Pelajaran urip soko Mbah "Mat Dinomo"

Jenenge Mbah Mat Dinomo umure wis nyedaki 80 taun utowo luwih...aku ora weruh la wong sing nduwe umur dewe yo ora apal...... Dalem'e ono ing daerah mBerbah Sleman ono ing deso sendang Tirto...iku miturut hasil wawancara ku

Pawongane jan ora ndayani wis tuwek, kuru, kulite kriput tur ireng..untune ugo akeh sing wis ompong nanging anggone nganggo klambi mesti rapi lan nganggone kopyah mesti jejeg tur resik....ning yo kuwi anggere tekan omah ku yo ora mesti ....jan ora mesti sesasi pisan...sok wis ono ning ngarep omah celuk-celuk....nawarake dagangan ne nanging yo kuwi sing di edol yo sok-sok ra mesti ...kadang kacang godog,kadang yen usum jagung yo jagung godok....nanging sing sering di dol yo iku tape ketan putih di bungkusi godong gedang ,tape ne enak lan legine amit-amit

Mbah Mat iki kelebu wong tuwo sing ora iso meneng ...kejaba ngono ugo wong tuwo sing ora gelem nggantungke urip marang anak'e.angger di takoni olehe wis tuwo kok isih dodolan ...dewe'e karo ngguya-ngguyu nerang ne yen olehe dodol iki sak jane kanggo hiburan lan njogo tali silaturahmi karo lenganan-lengganan'e yo mung sesasi ping loro olehe dodolan,dudu masalah duwite nanging olehe seneng ketemu priyayi...priyayi Agung tur pinter kanggo nglantipne (menajamkan) pikiran ...ngono kandane nalika tak takoni olehe dodol kok ora ajeg.

dek minggu kepungkur Mbah Mat sing uwis suwi ora tau katon ,sore kuwi teko...wancine sak bubare maghrib tapene kari 20 bungkus pangaji patang ewu ...tapi yo ora tego yen mung menehi duwit patang ewu yo sak ora-orane rong puluh ewu kanggo pantes-pantes ngijoli olehe krenggosan nggenjot sepeda.....

matur nuwuuun jeng ayu...kandane mbah Mat...aku banjur takon menyang ngendi wae kok suwe ora katon....jawaban'e olehe suwi ora katon ing wilayah kerto mergo saiki diurutke anggone sambang-sambang ono daleme priyantun-priyantun Agung, mergo sakniki kathah ingkang jengkar lenggahipun( nek gak ngerti iku artine Pindah omah...oce),sakniki kathah ingkang pidalem(punya rumah) dateng jalan Kaliurang...meniko lak tebih to ... jeng ayu.....

Kok isih setia to mbah sampeyan nekani siji-siji....wooo nggih jeng ayu lha kulo mesti dipeseni....ojo lali mrene lo mbaaah ra ketang sesasi pisan....horooo...kulo lak perkewuh menawi mboten tindak mriko....(bacalah dengan aksen yogya yg asli untuk lebih menghayati...)...oooo dadi tape mu kuwi sak jan-jane mung oleh-oleh to mbah....trus sukur-sukur di ganti ongkos leh ngonthel sepeda...rak ngono to mbaaah.....Lereeees jeng ayu...(karo isin-isin....)

Banjur aku takon...mbah olehmu dodolan iki wiwit kapan.......................oooo sampun dangu Jeng ayu....wong jaman taun sewidak gangsal (65) kulo sampun sadeyan..., lah jaman susah opo sing mbok dol mbah.....nggih werno-werno jeng ayu......opo yo payu...mbah???? nggih payu den ayu wong kulo ajeg sowan dateng griyo utawi kantoranipun ....walah opo ra di dukani....lha kulo prinsip'e anggere ora colong jupuk(maling),jujur,lan purun rekaos mesti rejeki meniko wonten ke mawon........o ngono to mbaaah...la inggih jeng ayu!!! wong sok kadang kulo malah diparingi benteran...(di kasih minum teh/kopi panas)

mbah Mat banjur nyambung omongan....yen perkawis artho jeng ayu...pinten kemawon mboten bakalan cekap...rejeki meniko sampun wonten ingkang ngatur...diparingi pinten kemawon kalihan gusti nggih kawulo tampi...wong sukur-sukur di paringi.....roda uripe menungso meniko mubeng....sok wonten inggil sok wonten ngandhap...nanging mboten selawase ingkang dateng nginggil terusan dateng nginggil menawi sampun tibo pesthi ne saget mawon dateng ngandhap....kulo rumiyin ndek rikolo jaman susah taun sewidak enem...natos ngeyup amargo udan deres dateng terasipun priyantun agung,,,,lajeng ingkang kagungan griyo nundung( mengusir) kulo kalihan ngendikan...ngalih...ngalih...ojo ngeyup neng kene....lha menopo den....?wingi kae ono wong sing ngeyup banjur sandalku ku ilang...wes kono kowe ngalih mengko sandal ku ndak ilang meneh....lajeng kulo jawab...lha niki taksih deres den......yo pokoke ngalih kono.......nggih pun kulo banjur ngalih...ngeyup dateng griyo cedhakipun...eeeh lha kok ndilalah jeng wonten angin ribut ageng sanget .....lha kok wonten wit klopo ambruk pas ngebruki teras kalihan piyantun ingkang nundung kulo...walah mbah.....

wonten priyantun jumenengipun rumiyin dateng Paku Alaman priyantunipun sabar lan welas asih jeng ayu nanging putranipun kathah..... rumiyin menawi kulo sadeyan kacang mesthi telasipun dateng mriku laaa putranipun kathah lajeng dagangan kulo di borong sok malah kulo dipun paringi jatah gendis kalihan teh/kopi...kalihan rasukan...nggih sak meniko putranipun sampun dados priyagung dateng jakarta...wonten ingkang dados Dokter,wonten ingkang jumeneng dados komandan tentara...puuun...tooo pokok'e sukses....laa nggih meniko Jeng ayu pengalaman kulo sak lawase urip niki....

Sore kuwi siji meneh pengalaman lan pelajaran urip wis tak tompo terkadang Gusti Allah maringi pepiling ora milih sopo sing arep menehke ora liwat soko tokoh/priyayi agung nanging yo mung liwat wong sing koyo mBah Mat Dinomo....bakul tape sing kadang ora kepetung ning bayangane urip awake dewe.

SUWIDAK LORO TAUN MERDEKA....

Entuk opo..
Merdeka sing koyo opo.......
Seneng sing kanggo sopo.........
Kamulyan'e opo yo wis roto.......
Susahe iyo isih ono....
Loro ne tansah ginowo......
Bodho ne iyo tetep ono.........
Sengsoro ne isih katon moto......
Banjuuuur.....
kepriye.....
Rakyat'e
pemimpin'e
Bongso ne
laut'e
pulau ne
pari ne
uyah'e
iwak'e
sekolah'e
alas'e
sawah'e
kali ne
..........................................
Merdeka.......merdeka....sak lawas'e

Bongso Pengeyelan

Anggon ku nulis judul iki karo mangkel tur setengah aras-arasen...mangkel amargo pirang-pirang kedadeyan menowo aku maneh lungo menyang luar negeri... duh Gusti sing sepisan iki anggon ku mangkel tan keno di ampet maneh megel ne



Dek tanggal 29 July kepungkur aku lungo menyang Bangkok Liwat Kuala Lumpur...numpak Air Asia...la wong sanggupe yo numpak kuwi Jeee...murah tur meriah barengan TKI sing arep kerjo ning Malaysia...polah serto polatan TKI sing arep budal werno-werno...ono sing ketok sumringah...ono sing katon aras-arasen ono sing katon keweden ugo ono sing kemlinthi kabeh tumplek blek ning ruang Keberangkatan bandara Adi Sumarmo Solo



Cerito iki sak jan e mulaine wektu pas kabeh ono panggilan enggal mlebu pesawat,ground crew sing teko bangsa ne dewe ke itung cukup sumeh lan aweh pitulungan karo uwong sing durung kulino numpak pesawat...nanging yen wis mlebu ning sak njerone pesawat lhaaa kuwi....mulai so ko....eseme pramugari sing katone terpaksa tur ora ikhlas....katone yen kudu nglayani TKI lan sing utamane yo iku Bangsa Indonesia.....katon menowo rego sing dipasang ngluwihi rego pasaran hargadiri bangsa Indonesia...katon yen luwih kepengen ngaton ake menowo...iki lo bangsaku sugihhh iso mbayari lan menehi pegawean marang bangsa mu sing...ora iso opo-opo kuwi...ndeso ...katro....culunn....embuh opo mergo iki perasaan ku dewe yo....
Aku dewe yo ora maido menowo wong-wong sing budhal golek penggawean ning negoro liyo iku sing akeh yo tingkat pendidikan ne rendah...dadi marakke kadang olehe nyerap werno-werno pengetahuan lan peraturan rodo kurang tanggap...tapi iku yo dudu masalah anggere anggone ngandani lan mernahke ora nganggo di getak-getak....harga diri bangsa jeeek ajuuur....
Pramugari mulai rodo ngguya-ngguyu anggere wes mulai nggon nawake barang utowo panganan sing kudu di tuku yen ora pengen keluwen.... ilingo jek gak ono TKI gak payu pesawat sampeyan. Tekan LCCT nah...iki mulai drama...penghinaan sing sak tenan e.....mulai soko pertama dikon baris antri karo di getak-getak mbuh pulisi...mbuh satpam e kono....banjur oknum pegawai imigrasi sing raine...asliii judesss...(bu/mbak...sampeyan nek praupane koyok ngono asli...ning kampungku gak payu rabi sampeyan...tenan iki....) neng sak naliko malih mesem yen sing di layani...pelancong...alias turis....walah nemene nasib bongso ku....harga diri bangsa sing kelindes....kurang ajare....bongsoku di hina ...dianggep goblok kabeh...di anggep melarat kabeh....loro atiku iki....naliko ndelok nganggo moto ku dewe olehe bongso liyo mecuconi...mbengoki...nggetaki...nggoblok-nggobloke. iku ngono sak jane ora luput soko perlakuane bangsane dewe naliko isih neng negarane dewe
la kepriye wong yen ning negarane dewe perlakuane petugase yo podo wae, ojo meneh kok pemimpine...walah malah blas gak mikiri...piye nasib rakyate....devisane tok gelem mikir nasibe...yo embooooh.
Lha kepriye bongso liyo ora terus ngenyeki lan ngidak...ngidak hargadiri bangsa Indonesia....cobo berita sing akhir-akhir iki koyo " armada penerbangan dari REPUBLIK INDONESIA dilarang mendarat di seluruh negara uni eropa karena tidak aman."........nelongso jan nelongso wis di enyek di etrek...etrek.
Ngono lo kok yo tega-tega bapak-ibu pemimpin olehe podo eyel-eyelan ..ning DPR ,ning pemerintahan,podo repot olehe arep nyeblok ke presiden,wakil presiden,ono sing ngeyel njaluk mundak gaji,njaluk tunjangan iki-kuwi,protes kebjaksanaan presiden mergo ora iso njupuk untung dewe-dewe, malah podo repot mbahas syarat-syarat calon presiden sing jare ora oleh lulusan SMA thok kudu sarjana....walah ...pakk...buuuuuu,kok malah eyel-eyelan barang gak mutu. Kae lo pak,bu bongsone dewe arep mati mergo di idek-idek bongso liyo,negarane dewe di enyek entek-entekan...endi to sing jenenge nurani opo nurani panjenengan sampun tilar ndonya sedanten.
Lha panjenengan menawi tindak luar negeri nganggem pesawat VIP,pisan-pisan pak-bu panjenengan ngaggem pesawat murah meriah barengan kalihan TKW...panjenengan pirsani piyambak kalihan di pun rasakaken abote nyambut gawe ning negoro liyo karep nyambut gawe ning negarane dewe nanging ora ono lowongan kerjo walah.............
Ngunggahke harga diri bongso???.... iku pitakone...iso opo ora....??? sak iso-isone ayo di usahake...konco kabeh sing sempat moco blog ku mulai soko awake dewe-dewe....pahlawan sing merjuangke kemerdekaan bongso ben ora nelongso olehe korban nyawa nganti mati kanggo ngangkat derajat bongso iki....ayo konco-konco dadekno bongso iki ngadek meneh harga dirine...ning antarane bongso-bongso liyo,aku yakin mesti iso.
Terakhire hehehehe iki penutupe...bareng wis tekan Bangkok aku keluwen terus mangan(pancet wae....) aku tuku panganan sing di arani ketan mangga walah enak tenan....ketane pulen lan wangi pandan, empuk mak nyus,pelem e yo legi renyah mak nyus tapi ketane pancen enak tenan..............ooooo pantesan pak Habibi wani ngijol ke ketan iki karo pesawat hehehehe. ternyata ketane pancen enak...jek..., ...ati-ati mangan ketan keselek baling-baling.......hihihi

Suporter bal kebablasan

Bal salah siji dolanan sing paling di senengi minongko awakke dewe isih podo cilik. Ora bocah lanang utowo wadon anggere ketemu ukoro bal mesti langsung mbungahi,ojo kok bocah uwong sing wis gede tuwo terkadang yo sih kedanen dolanan bal embuh kuwi tenes,golf,volly,utowo bal-balan,kabeh mau jenis olah raga sing kanyoto nganggo bal sing dadi alat e.

Omong-omong bal-balan ono siji perkoro sing ora di pisah ke karo olah raga kuwi yo iku penonton bal-balan sing kondang di arani " suporter sepak bola" oleh ku gumun anggere ono bal-balan ning stadion embuh ngendi musuh ngendi kok olehe rame ora karu-karuan...ojo meneh ning stadion neng omah ku iki anggere tipi nyiarke bal-balan olehe podo umek arep ndelok koyo wong arep podo selak ngungsi mergo ono gunung njeblug....edan tenan kih...

kabeh gawean ditinggal prung...sing nyapu yo banjur di seleh sapune,sing nembe siram-siram trus selange di seleh nganti lali mateni kran e,sing lagi turu awan trus tangi kemule mung di uncalke ora di lempiti,la sing lagi mangan langsung pindah olehe mangan ning ngarep tipi iku sing bal-balan siaran sore. yen sing siaran bengi ono sing marakke sebel isuk e ,yoiku kabeh bocah-bocah sing ono ning omah ku angel di tangekake. wis jan ra ngreken kewajiban blas kabeh.....!!

Iku mau salah siji Ke ampuhane,sing jenenge Bal anggone , narik perhatiane wong sing podo ndelok olah raga kuwi. Gedhe,cilik ,tuwo lan mudo,lanang lan wadon anngere ono siaran langsung bal-balan mesti akeh singmbanjur nonton karo nderedeg campur seneng arep-arep kesebelasan jagoane menangi pertandingan

Wong sak omah yo ngono sing paling tuwo karo bocah2 cilik neng omah kabeh nggandrungi bal-balan ora preduli sing main sopo anggere ono bal-balan banjur njenggirat ngrubung tipi kabeh...ning oleh ku gumun ki wong ning nJero ngomah ono tipi sing gede..la keno opo kok podo seneng nonton ning teras mburi turno tipi ne mung 14 inch...kamaongko sing neng nJero 30 inch. Nek miturut saurane bocah2 yo iku enak ning teras mburi rame ,tur guyub alias nek bengok-bengok iso banter...weeeeh.

• Wingi ndilalah kok sing main Tim Nasional Indonesia ...nglawan Hong kong...byuuuuh polahe sing nonton....dudu sing nonton ning Senayan nanging sing Nonton ning teras mburi olehe kebacut...seneng mergo timnas menang ,aku sok yo kudu ngguyu dewe yen sing nonton wis podo umuk-umukan nyritakne kesebelasan Andalane,sing paling sering yo kuwi antara Arema Karo persebaya...maklum bocah ku ono sing asal Suroboyo lan malang...tur meneh terkadang olehe serius eyel-eyelan nganti di gowo tukaran tenanan...banjur sesuk e terus ijir-ijiran gawean...,yen wis mengkono sing susah aku...gawean e ,omah banjur awut-awutan. Ning sing marake mangkel yo iku yen ono tonggo sing banjur ngelikake yen ojo bengok-bengok..weleh isin ku lhaaa....nanging kepriye la wong nonton bal-balan kok ra nganggo bengak-bengok ...boso ne bocah jakarta " GAK ASIK JEEEEK", dadi yo wis ben anggere kabeh seneng mergo nonton Bal-balan.

Bakul Janganan "funky" ( opo Gendheng)

Isuk kang adem lan sepi....koyo biasane tandang gawe ne uwong sak omah kang ubek....nyiapne kanggo keperluane dewe-dewe...sangu kanggo nglakoni pegawean kanggo awan mengko,kabeh kudu dipersiapne kanti temenan.

isuk kang ayem sak wise bocah-bocah ku mangkat sekolah,wektu paling pas kanggo nerus ke turu....nanging nyonggo tanggung Jawab ngopeni bocah akeh ning omah ora biso sinambi leha-leha utowo enak-enakan,kepiye mangane bocah-bocah lan konco-konco mburi kudu di pikirne

Manggon ono ing kawasan sepi ono enak lan orane ...yen penak e mestine wis iso dikiro-kiro dewe opo....tapi yen orane yo iku salah siji masalah blonjoan....janganan...panganan ...sing iso di arani kebutuhan pokok wong sak omah...durung meneh yen ono tamu sing nginep walaaaah kudu sedio akeh,nanging wong jenenge wae ketamon onone yo mung seneng ora perduli olehe masak dadi dobel.

Laa ning kene iki olehku arep cerito ,ono salah siji bakul janganan sing dadi langgananku,(ono loro lanang ,karo wadon)..naaa sing arep tak critake iki sing lanang...embuh tekan ngendi muasal e...kok moro ono bakul janganan sing bengok-bengok ning ngarep omah.....mbengok e ora "sayuuuurrr....sayuuuuur" koyo adat e....nanging mbengoke..."wadooooowwwww.........wadooooouuuw.....",opo maksud e, sampek dino iki aku yo ora weruh,yen tak critake dedeg e ,bocahe sak jane ora pati menarik....kuru meyeyet cenderung melasi alias katon ora ndayani,nanging polahe jan pecicilan nganti bojoku takon ,"anak e sopo to kuwi ma kok olehe polah ora karu-karuan?", la yo atase bakul janganan kok polahe koyo jathilan. masalah jeneng yo ngono ...embuh kok yo ora ono wong weruh jenege sopo,mung aku sok menehi julukan utowo yen nyeluk dewe'e "Nidji" ,perkoro anggonku menehi jeneng "Nidji" iki mesti yo ono alasanne,alasan sing jelas

1) aku ora ngerti jenenge bocah kuwi

2) Rambute kriting kribo mumbul koyo Giring penyanyine grup band Nidji

3) polahe pecicilan yo koyo penyanyine Nidji yen lagi manggung, lagune ra sepiro 'o tapi gayane byuuhhh....byuuuhhh....

Amargo 3 alasan kuwi aku banjur njenengi dewek e "Nidji",wis mbuh jeneng asline sopo ojo takon.

Carane Nidji dagang iso di arani unik lan kelebu coro dagang strategi anyar yen boso bocah saiki Inovasi baru...ngono yooo. Kabeh dagangan ne di bunteli cilik-cilik nganggo plastik di wenehi bandrol rego mulai Limang atus,sewu,rong ewu nganti sing paling larang sepuluh ewu sak plastike.miturut jenis ...koyo bongso bumbon mulai brambang ,bawang, tumbar ,mrico,empon-empon...di bungkusi cilik-cilik roto-roto di bandrol limang atus nganti sewu. Jenis sayur mulai wortel,sawi,labu lan sak piturute di bandrol sewu nganti limang ewu. lha yen jenis lawuh-lawuhan mulai tahu,tempe pitik,lele lan sak piturute di bandrol rong ewu nganti lima las ewu,dadi deweke yen ngitung blonjoan kari ndelok pirang plastik sing di jupuk...praktis tapi megel ne, piye leh ora mangkel bayem sak unting sing biasane mung pitung atus yen wis di plastik dadi sewu... ora ono rego sing ganjil kabeh genep. Kok yo pinter olehe akal-akalan iku lho,kabeh diplastiki kanti apik , lan seragam olehe noto di gawe racak lan menarik. Strategi dagang sing patut di conto,karo bakul bakul liyane.

Walah yen teko suarane banter lan sok akrab anggone celuk-celuk wong sak ngomah...,'wadooooouw wadoooouwwww....yuuuhuuuu...belanja gak neeeeh"...logat omongane koyo wong Sundo...,wis ngono nek nyeluk aku yo podo awurane...kadang Tante,kadang ibuuu....sok-sok Umi...malah kadang bu Haji(...???!!!) coba to olehe ngawuuur..!!. Yen teko banjur mlebu dapur njupuk kranjang kanggo adah blonjo tanpo di kongkon...terkadang trus njaluk kopi trus nggawe dewe ning mburi karo nyanyi-nyanyi joged an dewe gak jelas karepe...tak umbar wae anggep wae hiburan nanggap Jathilan gratis.

Nanging akhir-akhir iki kadang klakuane njengkelke yo iku tekane mulai ora ajeg,soook isuuuk....sok awan...malah kadang ra teko tanpo kabar...weeela kadung di jagak ne ki njur piye to...dJiii...dJiii...

Saiki ono semboyan ning omah sing marakke ngguyu-ngguyu mangkel yo iku ,"Pagi kurang lengkap tanpa Nidji" jare cah-cah mburi

Dino...iki arep masak opo,dino iki lawuhe opo, oalah...Nidji-nidji...tak enteni tekamu....."wadouuuuwww...."

National Orchid Garden

• 
  
  
  
  
  
  
  
  
  
  
  

  
  
  
  
  
  

  
  
  
  
  
  
  

  Pisan-pisan ora mikiri blonjo yen lagi ning Singapura....opo iso...??? iso wae anggere awakmu ono ning taman anggrek'e singapura sing misuwur apik lan asri. Wis ono kaping telu iki anggere pas aku lungo menyang Singapura tak sempat-sempatke mampir ning taman anggrek kuwi....howo kang adem pemandangan sing endah...kabeh ndadekake kesenengan anggone blonjo werno-werno dadi iso dilalekne....(sithik....hehehe...)
  
  
  
• Ke endahan olehe ngatur tanduran Anggrek lan liya-liyane sing manggon ing kawasan Botanic garden,nggawe betah moto lan awak sing ngrasakke....coba dirasakke semiliring angin lan segere howo ning kawasan kono mung marakke betah ora mung menungso ,yo kuwi kewan, open-openan koyoto...kirik iyo ngrasak ne seneng menowo di ajak nDoro ne mlayu-mlayu utowo mlaku-mlaku...karo cengengesan...(sumpah aku tau di cengengesi kirik ning kono....weeee) kanggo sarana olah raga mlaku,mlayu lan senam ugo nyeneng ke....nanging sing luwih spesial yo iku kanggo penganten sing kepingin foto-oto mantene ketok apik tur alami( iku lo foto-foto prewedding sing lagi usum....sayange aku wis dadi manten coba durung.....)

  Yen wis melebu ing kawasan taman anggrek waduhhhh...iki sing jenenge moto iso eman kanggo kedep....pemandangan kembang anggrek sing di toto sak pontho-sak pontho miturut jenise...ndadekne suasana asri lan seger

  Miturut keterangan buku panduan'e anggrek wis ono ning botanic garden soko tahun 1859...lan saiki luwih tekan 1000 spesies lan 2000 hybrida utowo silangan jenis anyar sing saben tahun terus-terusan di anyari
  
  
  
• Jam setengah songo awan wis bukak...mengko tutup'e jam 7 sore rego tikete $5 sin kanggo wong gede lan $1 sin kanggo bocah lan wargo kasepuhan.ono jalure kanggo grasakke nganti ngemat endahing kembang anggrek iku ning salah siji panggon sing ono yo iku Vip orchid garden ono kembang anggrek hasil silangan sing diwenehi jeneng nganggo jenenge tokoh-tokoh dunia...mulai Nelson Mandela,Lady Diana sampek Anggrek Madame Tien Suharto...(warnane belang-belang koyo batik), ono panggonan sin di wenehi jeneng "Tan Hoon Siang" mist house...ketoke ning panggon iku kanggo anggrek-anggrek sing jenise langka di budidayake maneh supoyo ora banjur punah,yen kepanasen lan kesumuken mergo mlaku ojo kuwatir ono panggonan sin di arani Cool House isine anggrek-anggrek soko panggonan sing hawane Adem mulo ning njero cool house di wenehi pendingin udara...kareben tandurane ora mati ...la awak mu iso ngadem ning kono di jamin seneng lan seger.

  Jebul ora mung agrek wae sing ono ing kono tanduran bromelia ugo ono luwih soko 300 jenis asli lan 500 jenis silangan hybrida di koleksi ing Yuen-Peng McNeice Bromeliad Collction.

  Mangkane yen ning Singapura ojo blonjo tok yaaa...akeh lo sak jan-jane panggonan sing iso di tekani sing miturut aku lumayan kanggo ngumbah moto lan pikiran...soko setress amergo urip melu ombyaking donya....(weleh....)

  
  
  
  
  
  
  
  
  
  

Ketabrak....

Den mas Miki belajar numpak sepeda....

Nabrak simbah sing lagi nyapu latar

Simbah : Opo kowe ora iso nge bell to Miiiik....simbah kaget iki loooo.....!!!!

Miki : Aku iso nge bell mbahhhh....nanging aku durung iso numpak sepeda.....!!!!

Simbah :...woooo ...!!!!

Mlaku-mlaku ning Malaysia (2)

Tgl 20 Januari 2007 ...prei an sekolah sak jan e wis keliwatan....nanging amergo pas preian aku karo bojo ku ora sempat ngajak mlaku-mlaku...anak-anakku , mumpung kesempatan lan wektu longgar'e , ono nekad-nekadan bocah-bocah banjur tak kongkon siap-siap...kanggo mlaku-malku ning Malaysia.

Budal isuk liwat bandara Soekarno-Hatta jakarta numpak Airasia....,koyo saben-sabene...mudun ono ing...LCCT disambung numpak Bis werno abang...bocah-bocah katon seneng sanajan ngantuk amargo budhale isuk banget.aku nginep maneh ning Hotel Vistana ,entuk bagian kamar sing podo..aku milih hotel kuwi maneh amergo panggonane stratwgis cedak karo stasiun lan terminal.

"jer Basuki Mawa Bea"...tembung paribasan iki pancene akeh bener'e nanging yen dirasak-rasakne sak tenan'e "Bea" utowo biaya ...kanggo lelungan piknik koyo kuwi keno di irit piye supoyo yen mulih ,kantong ora bener-bener kakehan bolong,ono pirang coro sing wis njajal tak lakoni ...umpamane...

*) kareben Murah pesen'o tiket pesawat rodo adoh dinane

*) yen wis tekan kuto Tujuan,golek obyek wisata sing mlebune ora usah mbayar

*)golek nggon tuku oleh-oleh sing murah meriah

*) ono pirang pilihan obyek wisata yen tuku karcise liwat E mail

reganerodo murah Reduksi karcise tekan 20 %,conto : Sunway lagoon,aku tuku karcise liwat E mail dadi yo rodo murah

*) golek nggon mangan sing regane murah sing penting resik.

Tekan hotel bocah-bocah banjur adus lan diterusake mlaku-mlaku njajal sepur LRT tujuan menara kembar petronas....obyek wisata sing ora mbayar tapi bener nyenengke kanggo bocah-bocah opo maneh ning kono di sediani werno-werno fasilitas sing iso di jajal gratis.Munggah menara salah siji wahono sing kudu di jajal bocah-bocah...mesti ndadekne senenge bocah tur gratis....

Yen wis kroso luwe banjur menyang suria KLCC panganan werno-werno kabeh ono ning kono...aku karo anak bojoku njajal mangan ning Nando roast chicken, ojo mbayangke rupane pitik'e koyo ayam panggang jowo opo maneh koyo ayam bakar klaten ...adoooh...iki pitik'e lemu-lemu(koyo aku...hehehe) pesen siji kanggo wong papat marakne klenger...asli klenger durung ditambah ubo rampe ne,koyo to....potato mash,kentang goreng, selada sayuran,jagung godog lan sego goreng...ndadekne weteng karo cangkem meneng cheep...!!! mergo kewareg en.

Amargo anak-anakku wis ngantuk aku enggal bali ning hotel

Isuke anakku wis janjian karo bojoku menyang genting...numpak bis soko terminal sing ning kiwane hotel Vistana anggonku nginep,aku ora melu milih mlaku-mlaku dewe golek oleh-oleh lan ngumbah moto...tujuan pertama endi maneh sak liyane ning Jalan putra ..ning toko-toko pemborong alat-alat rumah tangga, naaaa... dino kuwi aku kebegjan nemu sarung bantal kursi sing motife..aneh lan sing motife natal...yoh lumayan kanggo natalan taun ngarep , bosen ning kono tak sambung numpak monorail ...mlaku sithik ning stasiun Chow kit banjur mudun ning bukit bintang....dino kuwi suasanane Mall bukit Bintang rame tenan...kadingaren sampek jubel-jubelan,golek sandal Vinci....mung nemu siji sing oke....!!!!( model lan regane....),nukokke pesenan topi kancane bojoku....karo golek jam tangan murah kanggo pembantu sing jogo omah. Awan'e aku bali hotel jebul anak lan bojoku wis teko anakku crito yeb ning kono...hawane adem...tiwas mau ora di gawake jaket,anakku crita yen mau numpak Cable car,lan foto-foto ning panorama sak ndonya ono ...mulai menara eifel,big ben lan liya-liyane.anakku sng nomer loro Miki crito yen mau mangan ning kono Nasi goreng kampung...sin rasane tenan kampungan tur larang ....embuh opo maksude. Amergo kekeselen anak-anakku langsung keturon...tangi sore anakku ngajak numpak monorail....embuh saking gumun'e utowo kesenengen bocah loro mau ora gelem meneng ning jero monorail ngoceh terus karo thingak-thinguk ndelok kiwo tengen..lan njajal nggandul ning cekelan tangan....mudun stasiun bukit nanas banjur mlaku ning Kl tower njajal munggah nanging udan deres marakke kabut dadi ora iso bebas pandangane. Kateg ning Kl tower banjur mangan , pisan iki menu India sing dadi pilihane....roti prata lan kare sing disenengi anak-anakku ...aku karo bojo ku empet-empetan ambegan mergo ora doyan mambu kare...sanajan murah 12 ringgit sak ngombe ne. Tekan hotel anak-anakku sambat ngantuk...bubar tak salin'i mapan turu kabeh tapi tak peseni yen arep tak tinggal karo bojoku...golek mangan...ok...sak wis'e mesthekke kabeh ok ,banjur tak tinggal.Aku mangan sop buntut seger ono tenda kaki lima ning sak tengen'e hotel enak tur seger tenan,lha ternyata suasanane podo ning Yogya ono pengamen lan wong njaluk sumbangan...(kategori ne ngemis dudu ,...ya...?

Isuk e , mlaku-mlaku ning Sunway lagoon,budhal numpak monorail soko stasiun titi wangsabanjur mudun stasiun KL sentral....disambung numpak sepur KTM Komuter...mudun stasiun Subang Jaya,tekan stasiun sambung numpak bis kota...sing(elek) tapi resik...karo Aspada(bis kota Yogya) sik apik Aspada...tapi ning Malay bis'e resik mudun ning Sunway lagoon pemandangan sing ketok dhisikan o iku Mall sing gedhe banget,kolam renang jebul ono ning sisih mburi bangunan....mergo wis pesen tiket disik aku ora perlu antri. dibandingke water boom bali Sunway pancen luwih gedhe nanging yen di deleng soko nilai seni lan artistik...weleh kalah adoh luwih nyeni Bali(Bali pancen OYE...!!!) sing jenenge bocah mesti seneng wae keceh lan...dolanan banyu,sak wise mentas bocah-bocah podo njaluk di TATTO gambar sing lucu-lucu....keroso luwe kabeh ringkes-ringkes banjur mangan ning Mall,ora mangan ning Resto ne kono amarga pengalaman ning Genting Wingi yoiku rasane masakan ora karu-karuan...tiwas ora kepangan

Ning mall mangan ningHartz chicken...nuruti karepe bocah-bocah....mangan sak warege...maklum luwe bar renang.

Bali tekan Hotel kiro-kiro wis Jam 6 sore,banjur ringkes-ringkes amarga isuke meti bali sing marakke repot pesawat AirAsia tujuan Solo budal isuk kiro2 jam 6,kamongko perjalanane soko hotel menyang Kl sentral banjur LCCT kiro-kiro 2.5 jam, mulo jam 2 bengi wis ditangekne kabeh jam setengah 3 isuk banjur budal kabeh....Moto ngantuk tapi yo arep kepriye maneh...tekan LCCT banjur langsung Boarding ...bocah2 njaluk ning kamar mandi naaa iki sing nggawe kelingan ...dulur...dulur...jam ku ucul,tibo nanging aku ra kroso alias Ilang...ihik...ihik...ayo sopo2 sing nemokne jam ning Toilet Putri Lcct merek Guess, cilik ,tulung di balekne kuwi hadiah Ulang tahun teko bojo ku jeeee.....

Pas jam 6 isuk pesawate banjur budal..kiro-kiro jam 9 wis tekan Solo. Kl kapan-kapan aku teko meneh akeh panggonan sing durung tak tekani.....enteni yooo

Bocah pinter

Ibu : Lexy....sopo sing njupuk jajan ning piring iki

Lexy : Kulo bu...jajane kulo paringaken lare keluwen.....

Ibu : weee laaah bocah pinter..., la mbok weneh ke sopo...?

Lexy :...nggg Kulo piyambak bu....

Mlaku-mlaku ning Malaysia

Sak tenan ne judul sing cocok "Piknik tanpo sengojo ning Malaysia" kok yo ndilalah anggon ku kaping pindo neng Malaysia tanpo sengojo lan tanpo persiapan sing mateng tur tenanan
Sing kaping sepisan iyo kuwi mergo melu bojoku sing ono meeting ning Kuala Lumpur seminggu suwene ,wiwit tanggal 23 april 2006 nganti 29 april 2006 ,karep ben ngirit biaya...budal soko bandara Juanda aku milih numpak Air asia....murah lha mung 380 ewu rupiah...tapi tetep wae sing nggawe mangkel iyo iku olehku mbayar Fiskal sing sak yuta sak uwong ...wis jan nggawe mangkel...lha piye oleh ku ora mangkel wong ongkos montor mabure luwih larang fiskale...jan...jan'e ki kanggo opo to duwit fiskal kuwi,tenan ki aku ora legowo ngeculke duit sak yuta ping loro....kanggo aku lan bojoku...yen di pikir-pikir..wong bandara lan sarana dalan lan sapanunggalane ning Indonesia yo ngono-ngono wae...mbok rancangane Pak SBY sing jare Indonesia arep bebas Fiskal ndang dilaksanakke ...kareben wong sing arep ning luar negeri ora mangkel atine
Tekan LCCT bandara ning Kuala Lumpur sing kanggo penerbangan murah kiro-kiro jam 2 awan....byuh...byuh ....panase...rek...wis ngono mlakune adoh tur kudu nurut garis ora entuk manyak utowo motong garis ben ndang cepet tekan nggon iyuban...batinku karo nggrundel...jare bojoku...wis talah ma...wong murah kok njaluk enak....lho opo salahe nek murah iso penak iku jenenge tenanan leh menghargai konsumen,sesuk maneh yen numpak Airasia tur kiro-kiro tekan LCCT awan ojo lali nggowo Kudung utowo Payung...yaaa...ben ora gosong....

Olehe ning tengah kutho disambung numpak bis abang sing karcise yo tuku ning njero pesawat, wetune numpak bis kiro-kiro rong jam setengah wis tekan Stasiun KL sentral. Soko kono iso diteruske numpak LRT utowo Monorail ...numpak taksi anggere pinter nganyang yo ora opo - opo.,aku nginep ning Hotel Vistana daerah jalan Lumut pas ning ngarepe stasiun LRT,Monorail Titi Wangsa lan sebelahan karo terminal bis sing jurusan ning Genting...
mumpung isih sore aku njajal mlaku-mlaku numpak LRT Star sing jurusan Sentul timur-Ampang utowo sentul timur -Sri petaling...mudun ning mesjid jamek terus disambung numpak LRT Putra mudun KLCC...wis tekan Suria KLCC ono ning kono menara kembar Petronas...lan toko-toko maklum suasanane persis ning Plaza-plaza Indonesia...rame , tinimbang sumpek ndeloki menungso..podo menungso...banjur aku metu golek pemandangan liyo....untunge Tamane gede resik tur apik....tapi sing aku isih mikir tekan saiki oleh opo to kok jenenge toko gede kuwi mesti bangsane...Matahari ,Suria(suryo...Maksude),suk meneh mbok terus terang wae di wenehi jeneng "Srengenge..".....hehehe sing tuku ben kepanasen kabeh
Isuk'e bubar sarapan ning hotel amergo ditinggal bojoku meeting tekan sore...aku banjur njajal mlaku-mlaku dewe,tujuane genah ning
Petaling iyo iku pecinane Kuala Lumpur ...kiro2 budalku jam 9 soko stasiun Titi wangsa mudun stasiun plasa rakyat ,tekan Petaling akeh toko sing durung bukak...weleh awane....jare wong sing tak takoni ramene mengko jam rolas awan munggah ....weleh...weleh....yo mubeng-mubeng wae karo ndeloki wong dodolan sing kiro-kiro aneh, aku nemu wong dodolan pia lan pie ayam sing hueeenak...tenan mergo krungu pelayane ngomong jowo aku yo takone nganggo boso jowo...piro mbak siji....hihihi...wong'e kaget...".looo buk sampean wong jowo ta..."....(logat meduroan)...aku njawab" Iyo mbak" ....,"regane siji telung ringgit sampean tuku piro...?" karo ngobrol macem2 aku sakjane tuku 3 tapi karo mbak'e diwenehi 5 tapi dilaporke ning kasire mung 3...,hehehe hidup...!!! boso Jowo. Nek kanggo sedulur sing muslim takon disik ya isine soale ono sing isine mengandung Babi....yen kanggo aku isine opo
wae ora masalah...anggere dudu suket.
Kiro-kiro wayah mangan awan aku mangan ning salah siji rumah makan sing dodolan bebek panggang...rasane standar koyo lumrahe bebek panggang,kios kaki lima ning Petaling wis mulai rame...karo ngenteni aku tuku buah Berangan sing di sangan koyo wong nggoreng kopi,aku ra ngerti boso jowo ne opo buah kuwi...yen boso Inggris 'e nek gak salah Chest nut ...???,ning kono wong dodolan opo wae ono mulai tas-tas Aspal (asli tapi palsu),klambi ,kembang,buah-buahan,arloji...pemborong kraft tangan( iku lo toko grosir kanggo barang-barang kerajinan tangan)...sampek wong dodolan gereh yo ono...aku nyedaki wong dodol buah sing ono tulisane SALE...Mangga Pelam ...2 ringgit sahaja...wong wis mangga kok isih pelam....wealah mangga iku lak boso jowone pelem....jebul podo jeek..!!.

Dino ke 2 aku sengojo tangi rodo awan....weeleeh bojo ku wis rapi padahal ning Indonesia isih jam 6 isuk...ono pelatihan lan meeting meneh ...aku ancer-ancer arep lungo jam 11 awan wae....,tujuanku iyo iku plaza Bukit bintang ...aku budal soko stasiun Titi wangsa numpak monorail mudun plaza bukit bintang....akeh turis sing mlaku-mlaku mrene sing podo golek oleh-oleh....ning Plasa kene ono toko souvenir sing lumayan gede....tapi sing rodo ngawe gelo lagu sing di puter lagu soko angklung lan gamelan sunda...mbok yo...nganggo gamelan Malaysia dewe....opo ora nduwe....mosok ning Malaysia pusat oleh-oleh pisan, lagune ampar-ampar pisang, es lilin,butet...weleh...weleh...mateni niat tuku oleh-oleh. Yo wis akhire aku mung tuku sepatu lan sandal Vinnci....wis kadung tekan Malaysia yen ora tuku opo-opo yo rugi.

Dino ke 3 karep ku arep leyeh-leyeh wae karo ngenteni bojo ku pelatiahan,timbang nganggur aku ngajak ngobrol cleaning service 'e hotel Jenenge Kak Roos.Omahe ning Gombak ,bojone kerjo dadi Satpol PP Kuala Lumpur..." kakak ni kerje kerane ramai anak"(lha jenenge bocah mesti wae rame...rame senengane)...jebul maksude "anak'e akeh"....hehehe,kak Roos ngandani yen arep shoping murah ning jalan raja laut akeh grosiran ,ning kono istilahe pemborong.....yo wis akhire aku sidane metu mlaku-mlaku meneh numpak LRT mudun stasiun Putra WTC,mung ngliwati sak stasiun cedak ya...sak jan"e mlaku yo iso....karo mlaku aku ndeloki neng arah daerah tiong nam bener akeh toko sing nganggo tulisan pemborong alat2 rumah tangga,pemborong Barangan am (?),ning salah siji toko sing pojokan aku njajal mlebu ...weleh jebule tenan kabeh barang-barang sing di edol ning kaki lima ono kabeh ning kene...lan regane weeelaaah murah tenan,Sarung bantal kursi(cusion) sing ning petaling siji regane 15 ringgit ning kono 5 ringgit tapi paling sithik tuku 6 yo ora opo-opo,werno ne milih macem-macem...wadah tissue model cino...sing biasane ning Singapura regane 10$ telu...ning kono mung 2.5 ringgit paling sithik tuku 6...yo lumayan kanggo ngoleh-olehi sedulur-sedulur sing tunggu omah. Sesuk yen sempat ning Malaysia meneh iki mesti dadi panggon tujuan tuku oleh-oleh murah meriah. Mlaku sithik ning jalan raja laut aku nemu toko pemborong makanan...njajal mlebu isine lumayan, akeh jajanan kanggo bocah-bocah cilik..model-model permen,coklat,wafer sing murah meriah kanggo ngoleh-olehi anak lan keponakanku.

Dino ke 4..penyakit kangen panganan Indonesia ku kumat...bosen sak ben dino mangan nasi ayam,nasi lemak,roti prata,bebek panggang,nasi kandar...akhire dino iki aku ancang-ancang golek panganan Indonesia....wingi pas numpak monorail motoku sempat ndelok tulisan mee ayam soko stasiun chow kit...naah saiki tujuanku arep mrono mbuktekne bener opo ora sing tak delok wingi, numpak monorail mudun stasiun Chow kit,mudun stasiun ,nyebrang jebul tenan ono rumah makan mee ayam dan mee bakso....(tulisane ngono kok) pelayane ramah,dadi kelingan karo Sayuti ning Sitkom OB, kakak nak makan ape...?...tak jawab...mie bakso ne ono mas....wong,e keplengong trus ngguyu...woalah bu ..kulo kinten cino ,...jebul wong jowo...ibu mesti turis nggih...

Yaaah mie baksone lumayan timbangane ra ono, menune reno-reno soko lodeh nganti balado,model prasmanan,soko bocah kuwi...lali aku jenenge di critani yen daerah kono kuwi jalan tuanku abdul rahman akeh kumpulan wong Indon...gak suwe lamat2 krungu lagune Didi kempot soko kios jamu ning sekitar kono ...akhire aku mlaku-mlaku sithik,bener akeh kios sing dodolan jamu mulai anggur cap orang tua ,air mancur nyonya meneer , jago lan sing paling akeh Tolak angin,lagu buaya darat ratu saut sautan karo didi kempot...weleh

Dino ke 5 aku ning pasar seni ...numpak Lrt mudun plaza pakyat mlaku.(akeh) lumayan kemeng ning sikil...ndelok-ndelok sanajan jenenge pasar tapi panggone resik tur adem ono ac ne.yen gelem mbanding-mbandingne lan tahan isin nganyang...iso entuk kaos murah... aku entuk 7 ringgit siji ...yo tuku akeh pisan,akeh barang sing podo karo sing di edol ning Malioboro...ono nasi ayam enak ning lantai 2...lumayan tinimbang sing liyane...

Dino k 6 Bojoku wis bar pelatihan timbang bosen mlaku ning Kl ayo ...lungo wae ning Melaka....numpak Bis soko terminal bis Pudu Raya...kiro2 rong jam setengah tekan melaka...kuto ne cilik tapi resik...model omah-omahe koyo ning Indonesia ...mudun soko terminal bis Melaka sentral ganti numpak bis kota sing weleh-weleh...tuweke...sumpah isih apik bis kota yogya...bis taun 70 an yaaa...kutho ne apik tur akeh taman sing ombo-ombo, pemerintahe temenan olehe njogo lan nglestarekake bangunan-bangunan kuno.

mudun ning taman sejarah...karo ndelok2 musium sing ono....bola bali liwat becak melaka sing unik tur rame hiasane...sak jane pengen numpak tapi isin...

gerejo crist curch melaka ngelingke aku ning grejo ku GPIB marga mulya Yogya sayang yen ning yogya ke indahane ditutupi tenda pedagang kaki Lima Malioboro ...ihik...ihik....ning melaka mangan rojak lan ngombe es dawet....persis koyo ning jowo cendol'e

Balik ning terminal melaka sentral aku numpak bis maneh....nah nek sepisan iki jan lengkap penderitaanku...wis bis'e tuwek supire...koyo wong bar loro stroke...penak tenan....bis,e muteri kabeh dalan sampek mlebu tekan perumahan-perumahan...lumayan diajak mubeng-mubeng...tekan Melaka sentral wis jam 6 sore , ,terminal'e kebak uwong ...karcis bis neng kabeh jurusan entek...lha piye baliku ning KL tuku ning Calo (kok podo karo Indon) larang 7 kali lipat....kari ndungo mugo2 ono bis tambahan....untung ono wong 2 sing batal yo wis tak genteni jam 8 bis'e budhal tekan KL wis bengi awak pegel linu tur mambu kabeh...padahal durung ringkes- ringkes sesuk isuk mulih.....

Njajal nGawe Blog

Aduh angel'e arep njajal nggawe blog....kanggo mbagi-mbagi pengalaman lan crito-crito sing wis tau tak alami.
ono pirang-pirang alangan sing tak rasakne ...kuwi kabeh ora ndadekke aku ceklek ati utowo gelo...ning sing jelas alangan sing paling gede yo iku mergo bodo lan ndableg'e aku bab sinau teknologi anyar....
Sengojo aku nulis blog iki nganggo boso Jowo ngoko....amargo wis akeh sing wis pada nulis Blog nganggo bahasa Indonesia...la aku dewe ngrumangsani yen saiki..akeh wong Jowo sing koyo aku tan soyo suwe tan soyo bingung lan ora iso nganggo boso leluhurku dewe yo iku boso Jowo,amargo bab kuwi mau aku nyobo nulis nganggo boso Jowo paling ora aku melu nglestarekake...nganggo boso Jowo...bilih wonten menopo kathah kalepatan anggenipun kulo nulis ....inggih nyuwun gungipun pangapunten...lha kulo blajar...jeeee
Kanggo konco -konco sing sengojo utowo ora sengojo gelem moco blog iki ayo rame-rame omong-omongan nganggo boso jowo liwat e mail...



Gegojeg'an

Koplo

Paijo: min paimin ayo mancing iwak min...
Paimin: emoh...wong aku arep mancing iwak kok....
Paijo: Oh yo wis...tak kiro kowe mau arep mancing iwak...????!!!!


Lapor polisi

+ Ning wit asem ono Manuk Blekok telu, di bedil siji mati, sing loro neng ndi...??
_ sing loro lapor polisi mergo ono Rojopati

Arti Sahabat
Selama Email...masih ada dan telepon serta sms belum terputus, maka selama itulah kita masih dapat mengungkapkan cerita dan hal-hal yang menyenangkan,juga segala ketakutan dan keraguan- kita selalu menjadi sahabat selamanya



Buat sahabat ku SJH
wherever You are....................