RUMONGSO

Rumongso Iso......opo yo tenan iso...menungso sing nduweni pikiran cupet tur grusa-grusu ,gampang nyujanani utowo curigo karo kancane kuwi iso di golongake wong kegedhen rumongso....

ono kancane nglakoni panggawean sing apik malah di kiro nglakoni tumindak olo...tetulung kanthi ati kang ikhlas di anggep mung golek waaah...(lah timbang ngrasani mbok kowe yo nglakoni tumindak sing podho utowo sing luwih apik...) ,menowo ngerteni kancane nduwe kaluwihan yo iku arupo banda utowo kanca kang luwih akeh..yo disalahke dianggep olehe entuk samubarang kui saka nglakoni tumindak ala...kanca kang akeh di kiro uwong golek bala....pancen repot ngadepi wong kang nduwe sifat kegedhen Rumongso..

Sak temen'e menungso sing nduwe sifat koyo mengkono kuwi uwong kang ora nduweni sifat kang ikhlas...ikhlas nampa keluwihan'e wong liyo,isih sok seneng di subyo-subyo karo wong liyo,lan siji maneh sifat sing dadi ciri khas'e yo iku wani silit wedi rai....neng mburi rame, ning menowo adep-adepan cep-klakep.....ayooo...ayooo dulur-dulurku sing isih nduweni sifat kegedhen rumongso...ayooo rumongso ne di cilikake...ojo gedhe-gedhe ndak angel nggawane....

Pitutur Budaya Jawa

Aja ngece wong ora duwe

Aja gegedhen Rumongso

Aja Adigang,Adigung,adiguna

Jangan menghina orang miskin

Jangan terlalu besar perasaan

Jangan suka pamer jabatan

Jangan suka pamer kekuatan

dan memamerkan kepandaian

Aja kuminter

Aja Kareman

Aja Ambeg siya

Jangan sok pinter

Jangan terlalu menuruti kegemaran

dan jangan sewenang-wenang

Palu-Arit

Tembung tembung larangan

Sumpah ndek pas cilikan ku(sak jane yo sampe' saiki) aku wedi karo sing jenenge tembung Palu Arit,genjer-genjer, PKI,Gerwani.....sopo sing marakke aku dadi wedi kabeh tetembungan kuwi....haaaa wis iso di bedhek to sopo maneh yen dudu jamane pemerintah orde baru,mbuh ngopo kok pas jaman kuwi gencar banget olehe kampanye anti PKI,saking gencare ora mikir2 piye dampake kanggo bocah2 sa umuran ku sing babar blas ora ngalami jaman geger taun 1965
sing tak iling yo kuwi peksoan nonton filem " pengkhianatan G 30 PKI " sing sak iling ku critane ning kono Pak Harto dadi Pahlawane...nanging Filem me akeh-akehe nganggo seting peteng...surem , remeng-remeng...halah dasare aku bocah weden...tapi sing hebate meh saben tahun terus-terusan nonton filem iku ...mboh kuwi nonton bioskop utowo nonton TV
Nanging amargo nonton filem kuwi aku nduweni trauma anggere krungu tembung-tembung sing tak sebut ning nduwur mau.Wis ngono asal ku teko Mediun meneh, anggere kenalan ,banjur ngerti yen asal ku Mediun mesti disauti...Madiun.?..PKI ya.....( bathin ku aseeem...ki ...lha nek iyo nyapo...)
Aku dudu anggota PKI..semono ugo aku dudu simpatisan PKI wong miturutku dewe soko sejarahe lan buku2 sing tak woco teneh PKI iku sak jane partai yang gagal....buktine neng negoro-negoro sing berpaham komunis...,komunisme dewe wis ditinggal karo rakyate
Sing tak gugat neng kene yo kuwi olehe kampanye Pelaku-pelaku ORBA ,kampanye sing tenen-tenen nyebabke Trauma anggere krungu tembung utowo tanda gambar sing ono kaitane karo PKI, situasine podo karo menowo panjenengan nate moco buku Harry potter,neng donya sihir kono anggere nyebut jenenge musuhe "Lord Vodelmort" ora ono sing wani , luwih seneng di wenenhi julukan "Kau Tahu Siapa.....",opo yo panjenengan ngrasak ne podo karo sing tak rasak ne yen sak tenane pemerintah orba kebablasen anggone mengkampanyekan anti Komunis...? opo yo sakjane tujuan kampanyene iku yo kanggo mengkultuskan salah sawijining Individu yoben olehe madeg kuoso ...iso langgeng lan terus2 an tanpo mikiri dampake kanggo menungso liyane...???


Trauma barang gak jelas

Aku isih kelingan menowo aku isih cilik...simbah ku blonjo genjer ning bakul sayur...banjur pembantuku takon ...mbah genjere bade dimasak nopo..?...simbah ku nyauri karo bisik-bisik...ssstt..sttt...Sam ...Samini leh mu omong genjer ojo banter-banter sam....ra penak dirungone tonggo...!!!..aku plongoan tapi yo ra ngerti maksude kenopo mbak Sam gak entuk omong genjer banter-banter....
Salah sawijining dino aku ngerteni mbah kakung ngebongi buku-buku lan koran sing ono gudang umurku kiro-kiro 5 taun ...tahun 1976 iki buku2 lawas jare simbah mergo ono ning salah sijining majalah koran lan buku bekas kuwi gambar "palu arit " pitakon ku neng mbah kung...iki gambar opo mbah...di sauri nganggo tembung...husshhh...kono ngalih ojo ngrusuhi....akeh bledug ke ...aku sing isih nekad takon iki gambar gendero opo ..malah dipentelengi....
Mbareng wes gedhe aku lagi faham ngopo kok tembung "genjer" , PKI, palu arit,Gerwani dadi tembung terlarang...halah...halah....
aku dadi mikir rodo nyleneh cubo nek lambang PKI iku wit ringin utowo pari....halah teneh.ning aloon-aloon lor Yogya kae ra ono ringine wes entek di kethoki utowo ditebangi....nek lambange pari ciloko meneh teneh awake dhewe ki mangan opo...lha nek sing di nggo propaganda PKI lagu Manuk Dadali ciloko maneh kih...kabeh manuk mung dipateni alias di bantai....aku sih gak opo-opo aku gak duwe manuk...sing melas bojo ku de'e kan nduwe...(maksud'e ngopeni manuk derkuku...) hahahaha....

Pancasila sing (ora) Sakti maneh

Era reformasi ono pirang perkoro kang akhire ndadekne wong sing maune wedi ngomong tembungan -tembungan sing ono kaitane karo PKI dadi rodo wani, njajal yen tulisan iki tak posting biyen jaman orba....aku bakalan langsung keno cap PKI utowo yen saiki sing lagi ngetop di cap neo PKI, halah...halah nanging yo akeh lo kenalan utowo kanca-kanca sing sak umurku isih wae tetep ngemu roso...piye (lha piye..?) roso gak penak menowo mbahas masalah PKI sanajan mung diskusi utowo omong-omongan biasa,wedi yen dikiro yo kuwi mau anggota neoPKI bek-bek'e....hahahaha...

Padahal pas ndek jaman kuliah sekolah nganti kuliah mbiyen anggere melu (diwajib ne melu) penataran P4 aku mesti entuk juara lho....padahal saiki aku ngrasakne penataran kae ndisik kok yo ra ono artine...wong negara ne pancet morat-marit...lha pejabate ndisik ki piye to olehe podo melu penataran aneeeh....ora podo apal pancasila opo...? sing jarene Sekti kanggo ngadepi kabeh situasi bongso sing ono jurang bahaya.... jebul Pancasila ki yo kalah karo koruptor....karo illegal loging,karo penguoso.....

kudune kasus lapindo kae yen miturut jaman penataran iso diselesaikan dengan musyawarah dan mufakat ...iku mencakup sila ke...piro mbuh ...wong buktine yo sampek saiki ora bubar-bubar....yo ora musyawarah...opo meneh mufakat...halah...pancasila neng ndi to kowe...jarene ndisik sekti saiki opo yo sik sekti...??

Uji nyali

Akhir januari aku menyang Vietnam....oleh ku nekad mrono mergo saking roso penasaran piye to sak jan-jane...negoro sing bekase komusis kuwi....disamping darah mediun sing njaluk diwaregi nggone penasaran karo mbukak poros Mediun ---Hanoi...hhahahaha..PKI banget....

Jebul tekan kono akeh banget gendero palu arit walah...walah...teng tlecek ning ndalan- dalan....

niat ku pancen arep nguji awak ku dewe sepiro olehku gumun deg-deg an , penasaran pengen ndemek lambang palu arit sing ning indonesia wis dadi barang langka..lan ndadekke persoalan sing dowo tanpo upomo.

Pertama nyekel bendero palu arit rasane piye yo...aneh deg-degan koyo nek arep disuntik heheheee....bareng wis tak cekel tenan jebul ra opo-opo biasa-biasa wae....ora nyetrum...

semono ugo genjer sak kembange...yo biasa biasa wae wong pancen enak yen di oseng karo teri.....

mugo-mugo tembe dino lagu genjer-genjer yo enggal ono sing nyanyi disiarke ning radio lan TV koyo lagu-lagu liyane....

Pelajaran urip soko Mbah "Mat Dinomo"

Jenenge Mbah Mat Dinomo umure wis nyedaki 80 taun utowo luwih...aku ora weruh la wong sing nduwe umur dewe yo ora apal...... Dalem'e ono ing daerah mBerbah Sleman ono ing deso sendang Tirto...iku miturut hasil wawancara ku

Pawongane jan ora ndayani wis tuwek, kuru, kulite kriput tur ireng..untune ugo akeh sing wis ompong nanging anggone nganggo klambi mesti rapi lan nganggone kopyah mesti jejeg tur resik....ning yo kuwi anggere tekan omah ku yo ora mesti ....jan ora mesti sesasi pisan...sok wis ono ning ngarep omah celuk-celuk....nawarake dagangan ne nanging yo kuwi sing di edol yo sok-sok ra mesti ...kadang kacang godog,kadang yen usum jagung yo jagung godok....nanging sing sering di dol yo iku tape ketan putih di bungkusi godong gedang ,tape ne enak lan legine amit-amit

Mbah Mat iki kelebu wong tuwo sing ora iso meneng ...kejaba ngono ugo wong tuwo sing ora gelem nggantungke urip marang anak'e.angger di takoni olehe wis tuwo kok isih dodolan ...dewe'e karo ngguya-ngguyu nerang ne yen olehe dodol iki sak jane kanggo hiburan lan njogo tali silaturahmi karo lenganan-lengganan'e yo mung sesasi ping loro olehe dodolan,dudu masalah duwite nanging olehe seneng ketemu priyayi...priyayi Agung tur pinter kanggo nglantipne (menajamkan) pikiran ...ngono kandane nalika tak takoni olehe dodol kok ora ajeg.

dek minggu kepungkur Mbah Mat sing uwis suwi ora tau katon ,sore kuwi teko...wancine sak bubare maghrib tapene kari 20 bungkus pangaji patang ewu ...tapi yo ora tego yen mung menehi duwit patang ewu yo sak ora-orane rong puluh ewu kanggo pantes-pantes ngijoli olehe krenggosan nggenjot sepeda.....

matur nuwuuun jeng ayu...kandane mbah Mat...aku banjur takon menyang ngendi wae kok suwe ora katon....jawaban'e olehe suwi ora katon ing wilayah kerto mergo saiki diurutke anggone sambang-sambang ono daleme priyantun-priyantun Agung, mergo sakniki kathah ingkang jengkar lenggahipun( nek gak ngerti iku artine Pindah omah...oce),sakniki kathah ingkang pidalem(punya rumah) dateng jalan Kaliurang...meniko lak tebih to ... jeng ayu.....

Kok isih setia to mbah sampeyan nekani siji-siji....wooo nggih jeng ayu lha kulo mesti dipeseni....ojo lali mrene lo mbaaah ra ketang sesasi pisan....horooo...kulo lak perkewuh menawi mboten tindak mriko....(bacalah dengan aksen yogya yg asli untuk lebih menghayati...)...oooo dadi tape mu kuwi sak jan-jane mung oleh-oleh to mbah....trus sukur-sukur di ganti ongkos leh ngonthel sepeda...rak ngono to mbaaah.....Lereeees jeng ayu...(karo isin-isin....)

Banjur aku takon...mbah olehmu dodolan iki wiwit kapan.......................oooo sampun dangu Jeng ayu....wong jaman taun sewidak gangsal (65) kulo sampun sadeyan..., lah jaman susah opo sing mbok dol mbah.....nggih werno-werno jeng ayu......opo yo payu...mbah???? nggih payu den ayu wong kulo ajeg sowan dateng griyo utawi kantoranipun ....walah opo ra di dukani....lha kulo prinsip'e anggere ora colong jupuk(maling),jujur,lan purun rekaos mesti rejeki meniko wonten ke mawon........o ngono to mbaaah...la inggih jeng ayu!!! wong sok kadang kulo malah diparingi benteran...(di kasih minum teh/kopi panas)

mbah Mat banjur nyambung omongan....yen perkawis artho jeng ayu...pinten kemawon mboten bakalan cekap...rejeki meniko sampun wonten ingkang ngatur...diparingi pinten kemawon kalihan gusti nggih kawulo tampi...wong sukur-sukur di paringi.....roda uripe menungso meniko mubeng....sok wonten inggil sok wonten ngandhap...nanging mboten selawase ingkang dateng nginggil terusan dateng nginggil menawi sampun tibo pesthi ne saget mawon dateng ngandhap....kulo rumiyin ndek rikolo jaman susah taun sewidak enem...natos ngeyup amargo udan deres dateng terasipun priyantun agung,,,,lajeng ingkang kagungan griyo nundung( mengusir) kulo kalihan ngendikan...ngalih...ngalih...ojo ngeyup neng kene....lha menopo den....?wingi kae ono wong sing ngeyup banjur sandalku ku ilang...wes kono kowe ngalih mengko sandal ku ndak ilang meneh....lajeng kulo jawab...lha niki taksih deres den......yo pokoke ngalih kono.......nggih pun kulo banjur ngalih...ngeyup dateng griyo cedhakipun...eeeh lha kok ndilalah jeng wonten angin ribut ageng sanget .....lha kok wonten wit klopo ambruk pas ngebruki teras kalihan piyantun ingkang nundung kulo...walah mbah.....

wonten priyantun jumenengipun rumiyin dateng Paku Alaman priyantunipun sabar lan welas asih jeng ayu nanging putranipun kathah..... rumiyin menawi kulo sadeyan kacang mesthi telasipun dateng mriku laaa putranipun kathah lajeng dagangan kulo di borong sok malah kulo dipun paringi jatah gendis kalihan teh/kopi...kalihan rasukan...nggih sak meniko putranipun sampun dados priyagung dateng jakarta...wonten ingkang dados Dokter,wonten ingkang jumeneng dados komandan tentara...puuun...tooo pokok'e sukses....laa nggih meniko Jeng ayu pengalaman kulo sak lawase urip niki....

Sore kuwi siji meneh pengalaman lan pelajaran urip wis tak tompo terkadang Gusti Allah maringi pepiling ora milih sopo sing arep menehke ora liwat soko tokoh/priyayi agung nanging yo mung liwat wong sing koyo mBah Mat Dinomo....bakul tape sing kadang ora kepetung ning bayangane urip awake dewe.

SUWIDAK LORO TAUN MERDEKA....

Entuk opo..
Merdeka sing koyo opo.......
Seneng sing kanggo sopo.........
Kamulyan'e opo yo wis roto.......
Susahe iyo isih ono....
Loro ne tansah ginowo......
Bodho ne iyo tetep ono.........
Sengsoro ne isih katon moto......
Banjuuuur.....
kepriye.....
Rakyat'e
pemimpin'e
Bongso ne
laut'e
pulau ne
pari ne
uyah'e
iwak'e
sekolah'e
alas'e
sawah'e
kali ne
..........................................
Merdeka.......merdeka....sak lawas'e

Bongso Pengeyelan

Anggon ku nulis judul iki karo mangkel tur setengah aras-arasen...mangkel amargo pirang-pirang kedadeyan menowo aku maneh lungo menyang luar negeri... duh Gusti sing sepisan iki anggon ku mangkel tan keno di ampet maneh megel ne



Dek tanggal 29 July kepungkur aku lungo menyang Bangkok Liwat Kuala Lumpur...numpak Air Asia...la wong sanggupe yo numpak kuwi Jeee...murah tur meriah barengan TKI sing arep kerjo ning Malaysia...polah serto polatan TKI sing arep budal werno-werno...ono sing ketok sumringah...ono sing katon aras-arasen ono sing katon keweden ugo ono sing kemlinthi kabeh tumplek blek ning ruang Keberangkatan bandara Adi Sumarmo Solo



Cerito iki sak jan e mulaine wektu pas kabeh ono panggilan enggal mlebu pesawat,ground crew sing teko bangsa ne dewe ke itung cukup sumeh lan aweh pitulungan karo uwong sing durung kulino numpak pesawat...nanging yen wis mlebu ning sak njerone pesawat lhaaa kuwi....mulai so ko....eseme pramugari sing katone terpaksa tur ora ikhlas....katone yen kudu nglayani TKI lan sing utamane yo iku Bangsa Indonesia.....katon menowo rego sing dipasang ngluwihi rego pasaran hargadiri bangsa Indonesia...katon yen luwih kepengen ngaton ake menowo...iki lo bangsaku sugihhh iso mbayari lan menehi pegawean marang bangsa mu sing...ora iso opo-opo kuwi...ndeso ...katro....culunn....embuh opo mergo iki perasaan ku dewe yo....
Aku dewe yo ora maido menowo wong-wong sing budhal golek penggawean ning negoro liyo iku sing akeh yo tingkat pendidikan ne rendah...dadi marakke kadang olehe nyerap werno-werno pengetahuan lan peraturan rodo kurang tanggap...tapi iku yo dudu masalah anggere anggone ngandani lan mernahke ora nganggo di getak-getak....harga diri bangsa jeeek ajuuur....
Pramugari mulai rodo ngguya-ngguyu anggere wes mulai nggon nawake barang utowo panganan sing kudu di tuku yen ora pengen keluwen.... ilingo jek gak ono TKI gak payu pesawat sampeyan. Tekan LCCT nah...iki mulai drama...penghinaan sing sak tenan e.....mulai soko pertama dikon baris antri karo di getak-getak mbuh pulisi...mbuh satpam e kono....banjur oknum pegawai imigrasi sing raine...asliii judesss...(bu/mbak...sampeyan nek praupane koyok ngono asli...ning kampungku gak payu rabi sampeyan...tenan iki....) neng sak naliko malih mesem yen sing di layani...pelancong...alias turis....walah nemene nasib bongso ku....harga diri bangsa sing kelindes....kurang ajare....bongsoku di hina ...dianggep goblok kabeh...di anggep melarat kabeh....loro atiku iki....naliko ndelok nganggo moto ku dewe olehe bongso liyo mecuconi...mbengoki...nggetaki...nggoblok-nggobloke. iku ngono sak jane ora luput soko perlakuane bangsane dewe naliko isih neng negarane dewe
la kepriye wong yen ning negarane dewe perlakuane petugase yo podo wae, ojo meneh kok pemimpine...walah malah blas gak mikiri...piye nasib rakyate....devisane tok gelem mikir nasibe...yo embooooh.
Lha kepriye bongso liyo ora terus ngenyeki lan ngidak...ngidak hargadiri bangsa Indonesia....cobo berita sing akhir-akhir iki koyo " armada penerbangan dari REPUBLIK INDONESIA dilarang mendarat di seluruh negara uni eropa karena tidak aman."........nelongso jan nelongso wis di enyek di etrek...etrek.
Ngono lo kok yo tega-tega bapak-ibu pemimpin olehe podo eyel-eyelan ..ning DPR ,ning pemerintahan,podo repot olehe arep nyeblok ke presiden,wakil presiden,ono sing ngeyel njaluk mundak gaji,njaluk tunjangan iki-kuwi,protes kebjaksanaan presiden mergo ora iso njupuk untung dewe-dewe, malah podo repot mbahas syarat-syarat calon presiden sing jare ora oleh lulusan SMA thok kudu sarjana....walah ...pakk...buuuuuu,kok malah eyel-eyelan barang gak mutu. Kae lo pak,bu bongsone dewe arep mati mergo di idek-idek bongso liyo,negarane dewe di enyek entek-entekan...endi to sing jenenge nurani opo nurani panjenengan sampun tilar ndonya sedanten.
Lha panjenengan menawi tindak luar negeri nganggem pesawat VIP,pisan-pisan pak-bu panjenengan ngaggem pesawat murah meriah barengan kalihan TKW...panjenengan pirsani piyambak kalihan di pun rasakaken abote nyambut gawe ning negoro liyo karep nyambut gawe ning negarane dewe nanging ora ono lowongan kerjo walah.............
Ngunggahke harga diri bongso???.... iku pitakone...iso opo ora....??? sak iso-isone ayo di usahake...konco kabeh sing sempat moco blog ku mulai soko awake dewe-dewe....pahlawan sing merjuangke kemerdekaan bongso ben ora nelongso olehe korban nyawa nganti mati kanggo ngangkat derajat bongso iki....ayo konco-konco dadekno bongso iki ngadek meneh harga dirine...ning antarane bongso-bongso liyo,aku yakin mesti iso.
Terakhire hehehehe iki penutupe...bareng wis tekan Bangkok aku keluwen terus mangan(pancet wae....) aku tuku panganan sing di arani ketan mangga walah enak tenan....ketane pulen lan wangi pandan, empuk mak nyus,pelem e yo legi renyah mak nyus tapi ketane pancen enak tenan..............ooooo pantesan pak Habibi wani ngijol ke ketan iki karo pesawat hehehehe. ternyata ketane pancen enak...jek..., ...ati-ati mangan ketan keselek baling-baling.......hihihi

Suporter bal kebablasan

Bal salah siji dolanan sing paling di senengi minongko awakke dewe isih podo cilik. Ora bocah lanang utowo wadon anggere ketemu ukoro bal mesti langsung mbungahi,ojo kok bocah uwong sing wis gede tuwo terkadang yo sih kedanen dolanan bal embuh kuwi tenes,golf,volly,utowo bal-balan,kabeh mau jenis olah raga sing kanyoto nganggo bal sing dadi alat e.

Omong-omong bal-balan ono siji perkoro sing ora di pisah ke karo olah raga kuwi yo iku penonton bal-balan sing kondang di arani " suporter sepak bola" oleh ku gumun anggere ono bal-balan ning stadion embuh ngendi musuh ngendi kok olehe rame ora karu-karuan...ojo meneh ning stadion neng omah ku iki anggere tipi nyiarke bal-balan olehe podo umek arep ndelok koyo wong arep podo selak ngungsi mergo ono gunung njeblug....edan tenan kih...

kabeh gawean ditinggal prung...sing nyapu yo banjur di seleh sapune,sing nembe siram-siram trus selange di seleh nganti lali mateni kran e,sing lagi turu awan trus tangi kemule mung di uncalke ora di lempiti,la sing lagi mangan langsung pindah olehe mangan ning ngarep tipi iku sing bal-balan siaran sore. yen sing siaran bengi ono sing marakke sebel isuk e ,yoiku kabeh bocah-bocah sing ono ning omah ku angel di tangekake. wis jan ra ngreken kewajiban blas kabeh.....!!

Iku mau salah siji Ke ampuhane,sing jenenge Bal anggone , narik perhatiane wong sing podo ndelok olah raga kuwi. Gedhe,cilik ,tuwo lan mudo,lanang lan wadon anngere ono siaran langsung bal-balan mesti akeh singmbanjur nonton karo nderedeg campur seneng arep-arep kesebelasan jagoane menangi pertandingan

Wong sak omah yo ngono sing paling tuwo karo bocah2 cilik neng omah kabeh nggandrungi bal-balan ora preduli sing main sopo anggere ono bal-balan banjur njenggirat ngrubung tipi kabeh...ning oleh ku gumun ki wong ning nJero ngomah ono tipi sing gede..la keno opo kok podo seneng nonton ning teras mburi turno tipi ne mung 14 inch...kamaongko sing neng nJero 30 inch. Nek miturut saurane bocah2 yo iku enak ning teras mburi rame ,tur guyub alias nek bengok-bengok iso banter...weeeeh.

• Wingi ndilalah kok sing main Tim Nasional Indonesia ...nglawan Hong kong...byuuuuh polahe sing nonton....dudu sing nonton ning Senayan nanging sing Nonton ning teras mburi olehe kebacut...seneng mergo timnas menang ,aku sok yo kudu ngguyu dewe yen sing nonton wis podo umuk-umukan nyritakne kesebelasan Andalane,sing paling sering yo kuwi antara Arema Karo persebaya...maklum bocah ku ono sing asal Suroboyo lan malang...tur meneh terkadang olehe serius eyel-eyelan nganti di gowo tukaran tenanan...banjur sesuk e terus ijir-ijiran gawean...,yen wis mengkono sing susah aku...gawean e ,omah banjur awut-awutan. Ning sing marake mangkel yo iku yen ono tonggo sing banjur ngelikake yen ojo bengok-bengok..weleh isin ku lhaaa....nanging kepriye la wong nonton bal-balan kok ra nganggo bengak-bengok ...boso ne bocah jakarta " GAK ASIK JEEEEK", dadi yo wis ben anggere kabeh seneng mergo nonton Bal-balan.